83
Jan Scout Hevnis. out ontrent 64 jaeren waerscip in den
selffden dorpe; Hevndrick Cornelisz. out ontrent 38
jaeren; Jan Jacobsz. out ontrent 50 jaeren; Claes Willem
Vrerickszout ontrent 29 jaren; Jan Vrericksz. out
ontrent 56 jaeren; al scepenen in den dorpe van Brouck:
Jan Willemsz Dapper, out ontrent 50 jaeren; Vrerick
Siimenszout ontrent 50 jaeren; buyrluyden en rijckdom
in denselven dorpe;
ende naer die voirsz(egde) persoonen rechtelicken bij
den Baillius Bode verdaecht sijn gewesst ter instantie
ende versouck van Engel Engelsz: Jan Pietersz:
Jan Foppisz: Siimon Bartholomeeuszcura cocijs alle
gebueren van den Voordara leggende binnen der Stede van
Alcmaerhebben eendrachtelicken getuycht naer
behoerlicken eede hem bij den Bailiuw ter prezentie ons
mannen afgenomen, te weeten scepenen ende waerscippen in
't stuck haerder officie gedaen,
en d' andere personen in solempnele eede an den heyligen
affgenomen waerachtig te wesen, dat die plaetse als nu
genoempt die Voerdara leggende binnen Alkmaer, een seer
gerij ffelicke plaetse soude weesen omrae aldaer gestelt
te worden eene cleyne waeghe ende dat zij luyden haere
gebuyren ende andere omleggende dorpen aldaer profijt en
bequaem met wagenen, schuyten en praemen haer boter,
caes en anders souden moegen lossen en wederom laden tot
heren grooten gerijve,
ende dat zijluyden oick gheener bequaemer plaetze en
weten in die steeds voirsz(egd) alzoe die principaele
waege tegens der voirsz(egde) plaetse respondeert ende
overstaet, alwaer zijluyden Deposanten met haeren
nagebuyren niet bequamelicken met wagenen, schuyten en
praemen mogen wenden keeren en oick aen de Steyger tot
heuren wille leggen ende dat zijluyden Seposanten ende
haeren gebuyren daerbij seer geprouffiteert en gerijfft
souden wesen,
sulx dat die Stede voirsz(egd) deur dien te meerder
neringe soude gecrijgen,
soe waerlick most hen Deposanten Godt Almachtich en sijn
lieve heyligen helpen;
Des t'oirconde soe hebben wij Bailliu en mannen van Leen
voirsz(egd) elcx onsen zegel hier beneden angehangen