Folio 125r
voorledene troublen ende nyenwicheden inder religie binnen twee
jaren herwaerts by diversche quaetwillige geplecht dat
nyemant vande voorg(aenden parochianen zyns wetens hem gemoeyt
heeft met die voerledene nyenwicheden, maer ten contrarien als
goede catholique menschen betaempt, den dienst godts neerstich
gefrequenteert hebbende te bichten [biechten] gegeven, ende het
heylich sacrament devotel(yck) ontfangen als hy deposant anders
nyet en weet, zonder dat oock binnen de voorschrevenprochie
den dienst godts almachtuch geduerende den voorschreven
turbelenten
tyt geinterrumpeert is geweest alzoe de voorschreven
parochianen
met goeden moet ende couraige int openbaer vercleerden dat
indien yemant den dienst godts almachtuch oft de kercke
eenich hindere doen wilde, dat zy tselve met gewelt wilden
wederkeeren,9 in sulcker wegen, dat den dienst godts zyn
voorganck gehad heeft zonder eene oft twee daghen int
yerste van(den) meye 1567 dat sekere knechten genaempt
die gheusen deur de voorn(oemde) prochie passeerden, zonder dat
de selve qheusen inde kercke aldaer yet misdeden maer wel
int regulieren convent daer omtrent gelegen,
Vercleert voorts dat een(en) mrWillem baerdesem van Amsterdam
is vluchtuch ende absent, schoone parcheelen van landen
besittende is binnen de voorschrevenprochie daer van hy
deposant
beloeft heeft, scriftelycke verclaringe te doene,
Verclarende voorts nyet gehoort te hebbene dat eenige vande
ingesetene vande voorn(oemde) prochie wapenen tegens de Co.
Mat.
onder den heere van Brederode oft andere zyne coplicen
gedregen noch oock eenige penningen daer toe gecontribueert
Ende aengaende de voorn(oemde) Mr. Willem baerdesem, Segt by
ons gevraecht wesende, dat den selven ten tyde van zyne
residentie binnen heyloo hem altyts eerlycken gedragen
heeft, als andere goede catholique menschen betaempt
hoorende sermoon en(de) misse gelyck oock gedaen heeft dechte
Folio 125v
admiraels zyn huysvrouwe (afk.) ende henlueden huysgesin/
Sns 27